«Педаггогтерге арналған халықаралық «Zertteushi Education» зерттеу журналы журналы білім беру және педагогикалық практика саласындағы түпнұсқа ғылыми-әдістемелік, зерттеу және тәжірибеге бағытталған мақалаларды жариялауға қабылдайды.

Материалдар қазақ, орыс және ағылшын тілдерінде қабылданады.

Журнал Қазақстан Республикасы Оқу-ағарту министрлігінің тізіліміне енгізілген. Журналдағы жарияланымдар Қазақстан Республикасы педагогтерін аттестаттацияға жарамды.
Келесу сілтемеден тексеруге болады:
https://uba.edu.kz/storage/app/media/TIZIM%2010.07.2026.pdf
243. «Педаггогтерге арналған халықаралық «Zertteushi Education» зерттеу журналы

Жариялауға бұрын басқа басылымдарда жарияланбаған және бір мезгілде өзге журналдардың қарауында тұрмаған қолжазбалар қабылданады. Келіп түскен барлық материалдар алдын ала редакциялық тексеруден, түпнұсқалық деңгейін тексеруден және рецензиялаудан өтеді.

Зерттеу мақалалары үшін IMRaD (Introduction, Methods, Results and Discussion) құрылымы ұсынылады. Тәжірибеге бағытталған мақалалардың құрылымы өзгеше болуы мүмкін, алайда мақсаты, мазмұны, нәтижелері мен қорытындылары нақты әрі жүйелі түрде ұсынылуы тиіс.

Мақала көлемі — кестелер мен әдебиеттер тізімін қоса алғанда 1500–2000 сөз.

Мәтіннің ең төменгі түпнұсқалық көрсеткіші — 60%.

Редакция жариялауға қабылдаған мақаланы жариялау құны — 5 000 теңге. Төлем мақала жариялауға қабылданғаннан кейін жүргізіледі.

Автор ұсынылған деректердің дұрыстығына, дәйексөздер мен сілтемелердің дұрыс рәсімделуіне, авторлық құқықтардың, зерттеу және жарияланым этикасы нормаларының сақталуына жауапты.

Жарияланымдарға қойылатын талаптар

1. Қолжазбаның түпнұсқалығы

Ұсынылған мақала түпнұсқа болуы және бұрын жарияланбаған болуы тиіс.

Бір қолжазбаны бір уақытта бірнеше журналға ұсынуға жол берілмейді.

Келіп түскен барлық материалдар антиплагиат жүйесінде тексеріледі. Мәтіннің ең төменгі түпнұсқалық көрсеткіші — 60%.

Плагиатқа, дұрыс рәсімделмеген дәйексөздер мен сілтемелерге және өзін-өзі плагиаттауға жол берілмейді. Басқа авторлардан алынған идеялар, зерттеу нәтижелері, деректер мен мәтін үзінділері бастапқы дереккөздерге тиісті сілтемелермен рәсімделуі тиіс.

2. Зерттеу мақаласының құрылымы

Зерттеу нәтижелеріне негізделген мақалалар үшін халықаралық IMRaD құрылымы қолданылады.

Introduction — Кіріспе

Кіріспеде мыналар ұсынылуы тиіс:

• тақырыптың өзектілігі және зерттелетін мәселе;
• қолданыстағы зерттеулер мен тәсілдерге қысқаша шолу;
• зерттеудің мақсаты мен міндеттері;
• зерттеудің педагогикалық практика үшін маңыздылығы.

Methods — Әдістер

Бөлімде мыналар қамтылуы тиіс:

• зерттеу дизайнының сипаттамасы;
• қатысушылардың немесе іріктеменің сипаттамасы;
• деректерді жинау әдістері;
• деректерді талдау әдістері;
• қатысушылардың ерікті келісімін және деректердің құпиялылығын қоса алғанда, этикалық нормалардың сақталуы туралы ақпарат.

Results — Нәтижелер

Бөлімде мыналар ұсынылады:

• зерттеудің негізгі нәтижелері;
• алынған нақты деректер;
• қажет болған жағдайда кестелер, диаграммалар мен суреттер;
• ұсынылған нәтижелерге қысқаша талдамалық түсініктеме.

Discussion — Талқылау

Бөлім мыналарды қамтиды:

• алынған нәтижелерді интерпретациялау;
• нәтижелерді бұрын жарияланған зерттеулермен салыстыру;
• зерттеу шектеулерін талқылау;
• нәтижелердің практикалық маңызын айқындау.

Conclusion — Қорытынды

Қорытындыда мыналар берілуі тиіс:

• зерттеудің негізгі қорытындылары;
• практикалық ұсынымдар;
• одан әрі зерттеудің ықтимал бағыттары.

Тәжірибеге бағытталған және әдістемелік мақалалардың құрылымы өзгеше болуы мүмкін. Алайда оларда нақты тұжырымдалған мақсат, мазмұнның жүйелі баяндалуы, нәтижелер немесе практикалық тәжірибе және негізделген қорытындылар болуы тиіс.

3. Мақаланың көлемі мен рәсімделуі

Мақала көлемі — кестелер мен әдебиеттер тізімін қоса алғанда 1500-ден 2000 сөзге дейін.

Негізгі рәсімдеу талаптары:

• файл форматы — Microsoft Word (.doc немесе .docx);
• қаріп — Times New Roman;
• қаріп өлшемі — 12 pt;
• жоларалық интервал — 1,5;
• жиектер — әр жағынан 2 см;
• абзацтық шегініс — 1,25 см;
• тақырыптар мен тақырыпшалар бірізді иерархиялық құрылымға сәйкес рәсімделуі тиіс.

4. Мақала атауы, аңдатпа және түйін сөздер

Қолжазбада мыналар болуы тиіс:

1. мақала атауы;
2. автор немесе авторлар туралы мәліметтер;
3. көлемі 100–150 сөз болатын аңдатпа;
4. 5–7 түйін сөз;
5. мақаланың негізгі мәтіні;
6. пайдаланылған әдебиеттер тізімі;
7. қажет болған жағдайда қосымшалар.

Аңдатпада мақаланың мақсаты, қолданылған әдістер немесе тәсіл, негізгі нәтижелер мен қорытындылар қысқаша көрсетілуі тиіс.

5. Сілтемелер мен әдебиеттер тізімі

Мәтін ішіндегі сілтемелер мен әдебиеттер тізімін рәсімдеу үшін APA Style, 7th edition стилі қолданылады.

Мәтін ішіндегі дәйексөздер мен сілтемелердің мысалдары:

• бір автор: (Akhmetova, 2023);
• екі автор: (Kassenova & Sadykova, 2022);
• үш және одан көп автор: (Zhumabayeva et al., 2021).

Кітап:

Zhumabayeva, A. (2023). Teacher inquiry in primary education. Almaty Press.

Мақала:

Kassenova, A., & Akhmetova, L. (2022). Development of reflective practice among teachers. Journal of Education, 15(2), 45–58. https://doi.org/xx.xxx/xxxxxx

Электрондық дереккөз:

Sadykova, G. (2021). Digital pedagogy in modern school. https://www.example.com

Мақала мәтінінде көрсетілген барлық дереккөздер әдебиеттер тізіміне енгізілуі тиіс. Негізгі мәтінде сілтеме жасалмаған дереккөздерді әдебиеттер тізіміне енгізуге болмайды.

6. Кестелер мен суреттер

Барлық кестелер, суреттер, сызбалар мен диаграммалар:

• ретімен нөмірленуі;
• атаумен берілуі;
• анық оқылатын және жеткілікті сапада болуы;
• егер деректер немесе кескін авторға тиесілі болмаса, дереккөзге сілтемені қамтуы тиіс.

Қосымшалар әдебиеттер тізімінен кейін орналастырылады.

7. Тілдік талаптар

Журнал мақалаларды:

• қазақ тілінде;
• орыс тілінде;
• ағылшын тілінде қабылдайды.

Мәтін логикалық тұрғыдан құрылымды, грамматикалық және стилистикалық жағынан сауатты болуы тиіс. Ұсынылған қолжазба тілінің сапасына автор жауапты.

Редакция материалды жариялауға қабылдағанға дейін авторға қосымша тілдік немесе стилистикалық редакция жүргізуді ұсынуға құқылы.

8. Авторлар туралы мәліметтер

Әрбір автор бойынша мыналар көрсетілуі тиіс:

• тегі, аты және бар болса әкесінің аты;
• жұмыс орны;
• лауазымы;
• байланыс e-mail мекенжайы;
• ORCID — бар болған жағдайда;
• зерттеу немесе кәсіби қызметі туралы 2–3 жол көлеміндегі қысқаша ақпарат.

9. Этикалық ақпарат

Тиісті жағдайлар болған кезде автор мыналарды көрсетуі тиіс:

• мүдделер қақтығысының бар немесе жоқ екенін;
• зерттеуді қаржыландыру көздерін;
• зерттеуге қатысушылардың келісімін алу тәртібін;
• деректердің құпиялылығы мен анонимділігін қамтамасыз ету шараларын. 

Рецензиялау тәртібі

Zertteushi Education журналына келіп түсетін барлық материалдар редакциялық қараудан және рецензиялаудан өтеді.

1. Алғашқы редакциялық тексеру

Қолжазба келіп түскеннен кейін редакция:

• материалдың журнал тақырыбына сәйкестігін;
• міндетті құрылымдық элементтердің болуын;
• негізгі рәсімдеу талаптарына сәйкестігін;
• автор туралы мәліметтердің толықтығын;
• тілдік және техникалық талаптардың сақталуын тексереді.

Журналдың негізгі талаптарына сәйкес келмейтін материалдар рецензиялауға жіберілгенге дейін авторға пысықтау үшін қайтарылуы мүмкін.

2. Түпнұсқалықты тексеру

Қолжазба антиплагиат жүйесінде тексеріледі.

Түпнұсқалықтың ең төменгі көрсеткіші — 60%.

Редакция анықталған сәйкестіктердің сипатын да бағалайды. Дұрыс рәсімделмеген заимстволардың, плагиаттың немесе елеулі өзін-өзі плагиаттаудың болуы мақаланы жариялаудан бас тартуға негіз болуы мүмкін.

3. Рецензиялау

Алғашқы тексеруден өткен мақалалар анонимді рецензиялауға жіберіледі.

Қолжазбаны бағалау кезінде мыналар ескеріледі:

• тақырыптың өзектілігі мен маңыздылығы;
• теориялық негіздеменің сапасы;
• әдіснаманың дұрыстығы;
• нәтижелер мен қорытындылардың негізділігі;
• практикалық немесе ғылыми-әдістемелік маңыздылығы;
• баяндаудың логикалылығы мен құрылымы;
• дереккөздермен жұмыс сапасы;
• зерттеу және жарияланым этикасы нормаларының сақталуы.

4. Рецензиялау нәтижелері бойынша шешім

Қарау нәтижелері бойынша мынадай шешімдердің бірі қабылдануы мүмкін:

• мақаланы жариялауға ұсыну;
• өзгерістер енгізілгеннен кейін жариялауға ұсыну;
• мақаланы елеулі пысықтауға авторға қайтару;
• қолжазбаны қабылдамау.

Қажет болған жағдайда авторға мақаланы пысықтауға арналған ескертулер мен ұсынымдар жіберіледі.

5. Қолжазбаны пысықтау

Автор рецензент пен редакцияның ескертулерін ескере отырып, қажетті өзгерістер енгізеді.

Пысықталған нұсқаны қайта қарағаннан кейін редакция материалды жариялау мүмкіндігі туралы түпкілікті шешім қабылдайды.

Редакция автордың ұстанымы мен зерттеу мазмұнын өзгертпей, мәтінді әдеби және техникалық редакциялау құқығын өзінде қалдырады.

Жарияланым этикасы

Zertteushi Education журналының редакциялық саясаты академиялық адалдық, объективтілік, ашықтық және авторлық құқықтарды құрметтеу қағидаттарына негізделеді.

Авторлардың жауапкершілігі

Авторлар:

• тек түпнұсқа материалдарды ұсынуға;
• плагиатқа, өзін-өзі плагиаттауға және дұрыс рәсімделмеген заимстволарға жол бермеуге;
• пайдаланылған барлық идеялардың, деректер мен дереккөздердің авторлығын дұрыс көрсетуге;
• зерттеудің шынайы және сенімді нәтижелерін ұсынуға;
• деректерді ойдан шығаруға немесе бұрмалауға жол бермеуге;
• бір қолжазбаны бір уақытта бірнеше басылымға жібермеуге;
• мақаланы дайындауға елеулі үлес қосқан барлық тұлғаларды авторлар ретінде көрсетуге;
• ықтимал мүдделер қақтығысын ашып көрсетуге;
• зерттеуді қаржыландыру көздерін, егер бар болса, көрсетуге;
• зерттеуге қатысушылардың құқықтары мен құпиялылығын сақтауға;
• мақала ұсынылғаннан немесе жарияланғаннан кейін елеулі қате анықталған жағдайда редакцияны уақтылы хабардар етуге міндетті.

Авторлық

Мақала авторлары ретінде зерттеуді әзірлеуге, нәтижелерді талдауға және қолжазбаны дайындауға елеулі үлес қосқан тұлғалар ғана көрсетілуі тиіс.

Жұмысты дайындауға қатыспаған тұлғаларды авторлар тізіміне енгізуге, сондай-ақ елеулі зияткерлік үлес қосқан тұлғаларды авторлар қатарынан алып тастауға жол берілмейді.

Плагиат және заимстволар

Редакция құрамында плагиат, дұрыс рәсімделмеген дәйексөздер, елеулі түрде рәсімделмеген заимстволар немесе өзін-өзі плагиаттау бар материалдарды қабылдамайды.

Басқа авторлардың барлық дәйексөздері, идеялары, деректері мен материалдары тиісті дереккөзге сілтемемен берілуі тиіс.

Зерттеу этикасы

Адамдардың қатысуымен жүргізілетін зерттеулерде авторлар қатысудың еріктілігі, құпиялылық және дербес деректерді қорғау қағидаттарын сақтауы тиіс.

Қажет болған жағдайларда автор зерттеуге қатысушылардың немесе олардың заңды өкілдерінің ақпараттандырылған келісімін алуы тиіс.

Егер деректерді ашуға бөлек келісім берілмесе, зерттеуге қатысушылардың дербес деректері анонимдендірілуі тиіс.

Мүдделер қақтығысы

Авторлар зерттеу нәтижелерін объективті түрде ұсынуға немесе түсіндіруге ықпал етуі мүмкін барлық жағдайлар туралы редакцияға хабарлауға міндетті.

Мүдделер қақтығысы болмаған жағдайда автор: «Мүдделер қақтығысы жоқ» деп көрсете алады.

Рецензенттердің жауапкершілігі

Рецензенттер:

• ұсынылған материалдарды объективті бағалауға;
• құпиялылықты сақтауға;
• авторлардың жарияланбаған деректері мен идеяларын жеке мақсатта пайдаланбауға;
• ықтимал мүдделер қақтығысы туралы редакцияға хабарлауға;
• ескертулер мен ұсынымдарды негізді және кәсіби түрде тұжырымдауға міндетті.

Редакцияның жауапкершілігі

Редакция материалдарды жариялау туралы шешімді олардың сапасына, журнал тақырыбына сәйкестігіне және жарияланым этикасы талаптарына сүйене отырып қабылдайды.

Редакциялық шешімдер қабылдау кезінде авторларды жынысы, жасы, ұлты, жұмыс орны, әлеуметтік мәртебесі немесе қолжазбаның мазмұны мен сапасына қатысы жоқ өзге де жағдайлар бойынша кемсітуге жол берілмейді.

Редакция қарауға келіп түскен материалдардың құпиялылығын қамтамасыз етеді және жарияланым этикасы нормаларының бұзылуы анықталған жағдайда тиісті шаралар қабылдайды.