The Oxford Essay Prize 2027: оқушыларға арналған халықаралық эссе конкурсы
The Oxford Essay Prize 2027 конкурсына өтінім қабылдау басталды. Оған әлемнің кез келген елінен, соның ішінде Қазақстаннан оқушылар қатыса алады. Қатысушының жасы 2027 жылғы 31 қаңтарда 14–18 жас аралығында болуы керек.
Конкурсты Oxford Centre for Advanced Research (OCAR) ұйымдастырады. Бұл — Оксфорд университетімен және оның колледждерімен байланысы жоқ тәуелсіз британдық ұйым.
Қатысушылар ұсынылған алты сұрақтың бірін таңдап, ағылшын тілінде 1 500 сөзден аспайтын бір эссе жазуы қажет. Сілтемелер мен пайдаланылған әдебиеттер тізімі сөз санына кірмейді.
Эссе тақырыптары:
Әлемдік экономиканың компьютерлік моделі негізгі экономикалық сұрақтарға жауап бере ала ма?
Белгісіздік жағдайында саяси шешімдерді қалай қабылдау керек?
Цифрлық технологиялар демократияны нығайта ма, әлде әлсірете ме?
Қазіргі және болашақ ұрпақтың мүдделерін қалай теңестіруге болады?
Технологиялар бейтарап бола ала ма?
Жасанды интеллектіні дамытуға қанша энергия мен су жұмсауға болады?
Эсседе автордың ұстанымы, оны негіздейтін дәлелдер және қарсы пікірлерге талдау болуы қажет. Дереккөздерге сілтемелер MLA 9 стандарты бойынша рәсімделеді. Мәтін немесе дәлелдер құрастыру үшін жасанды интеллектіні пайдалануға тыйым салынады. Өтінімде жұмыстың авторлығын растай алатын мұғалімнің немесе кеңесшінің электрондық поштасын көрсету керек.
Жүлделер
Gold: £500 ақшалай сыйлық және OCAR бағдарламасына £2 000 жеңілдік — бір жеңімпаз.
Silver: £400 ақшалай сыйлық және £1 500 жеңілдік — екі жеңімпаздың әрқайсысына.
Bronze: £300 ақшалай сыйлық және £1 000 жеңілдік — үш жеңімпаздың әрқайсысына.
Сонымен қатар OCAR бағдарламаларына £400–£800 көлемінде қосымша жеңілдіктер қарастырылған. Бұл жеңілдіктер ақшалай төлем болып саналмайды және бағдарламаға қабылдануға кепілдік бермейді. Эссе тапсырған барлық қатысушыға қатысу сертификаты беріледі.
Маңызды мерзімдер
2026 жылғы 15 қараша: Ұлыбритания уақытымен сағат 23:59-ға дейін тіркеліп, эссе тапсырған қатысушыларға тағайындалған жеңілдікке қосымша £100 беріледі.
2027 жылғы 16 қаңтар: тегін тіркелудің соңғы күні. Осы күннен кейін тіркелу ақысы — £5.
2027 жылғы 31 қаңтар: эссе тапсырудың соңғы мерзімі.
Конкурс туралы толық ақпарат пен ережелер
Astana Bilim Academy халықаралық білім беру мүмкіндіктері туралы ақпаратпен бөліседі. Академия осы конкурстың ұйымдастырушысы немесе серіктесі болып табылмайды. Қатысу мәселелері бойынша тікелей ұйымдастырушыларға хабарласыңыз.
