IATEFL YLTSIG WebCon 2026: ағылшын тілі мұғалімдеріне арналған тегін конференция
2026 жылғы 30 қазан мен 1 қараша аралығында IATEFL YLTSIG WebCon 2026 халықаралық онлайн конференциясы өтеді. Іс-шара балалар мен жасөспірімдерге ағылшын тілін оқытуға арналған. Бастауыш сыныптарда ағылшын тілін оқытатын мұғалімдер әртүрлі елдегі әріптестерінің тәжірибесімен таныса алады.
Конференция тақырыбы — «Бүгінгі оқушыларды ертеңгі әлемге дайындау». Үш күннің әрқайсысы жеке тақырыпқа арналады:
- 30 қазан — «Бүгінгі оқушыларды түсіну»: балалардың қажеттіліктері, инклюзия және сыныптағы қолайлы орта.
- 31 қазан — «Ағылшын тілін бүгін қалай оқытамыз?»: сабақтағы жұмыс, бағалау, шығармашылық тәсілдер мен технологиялар.
- 1 қараша — «Болашаққа дайындау»: сыни ойлау, ынтымақтастық және оқушыларға сыныптан тыс өмірде қажет болатын дағдылар.
Бағдарламада баяндамалар, практикалық сабақтар, панельдік пікірталас, дебаттар және интерактивті кездесулер бар. Болашақта халықаралық конференцияда өзі де баяндама жасағысы келетін мұғалімдер үшін бұл — әріптестерінің идеяларын қалай ұсынатынын және аудитория сұрақтарына қалай жауап беретінін көруге мүмкіндік.
Қатысу тегін және барлығына ашық. IATEFL немесе YLTSIG мүшесі болу міндетті емес. Ұйымдастырушылардың ақпараты бойынша, қатысу сертификаты IATEFL мүшесі болып табылатын тыңдаушыларға жіберіледі.
