Astana Bilim Academy мен ATENK ынтымақтастық туралы меморандумға қол қойды
Astana Bilim Academy мен Солтүстік Қазақстан облысы және Петропавл қаласы ағылшын тілі мұғалімдерінің «ATENK» қоғамдық бірлестігі ынтымақтастық туралы меморандумға қол қойды.
Құжат педагогтердің кәсіби дамуы, тәжірибе алмасу және бірлескен білім беру жобаларын іске асыру бағыттарындағы серіктестікті дамыту ниетін бекітеді.
Ынтымақтастық аясында педагогтерге арналған бірлескен вебинарлар, курстар, семинарлар, байқаулар және басқа да кәсіби іс-шаралар өткізу жоспарланып отыр. Сонымен қатар тараптар мұғалімдерге әдістемелік қолдау көрсетуді, кәсіби тәжірибе алмасуды және педагогикалық қауымдастықтың кәсіби өсуіне жаңа мүмкіндіктер қалыптастыруды көздейді.
ATENK Солтүстік Қазақстан облысы мен Петропавл қаласының ағылшын тілі мұғалімдерін біріктіріп, ағылшын тілі педагогтеріне арналған кәсіби, байқау және білім беру бастамаларын жүзеге асырады.
Astana Bilim Academy педагогтердің біліктілігін арттыру бағдарламаларын, білім беру жобаларын және Қазақстан педагогтерінің кәсіби дамуына бағытталған бастамаларды іске асырады.
Меморандумға қол қою екі ұйым арасындағы ұзақ мерзімді серіктестікті дамытуға және жаңа бірлескен жобаларды жүзеге асыруға негіз қалайды.
Алдағы іс-шаралар мен жобалар туралы жаңалықтарды ұйымдардың ресми ресурстарынан қадағалай аласыздар:
ATENK: atenk.kz
Astana Bilim Academy: astanabilim.kz
